आठवणी येती जाती तुझ्या

येत नाही तू कधीच

न परतीच्या वाटेवरुनी ये ना तू आकस्मित ॥

खूप झाले झुरणे आता

खूप स्वतःला सावरणे

मनात नसताना ही

स्मित चेहर्‍यावर पांघरणे

पहा शोधूनि माझ्याकडे येण्याचा रस्ता

मिळेल तुला कदाचित

न परतीच्या वाटेवरूनी ये ना तू आकस्मित ॥

तूच ये ना एकदा

तुझ्या येण्याचा संदेश घेऊनी

मोडलेला डाव सावर

पुन्हा नव्याने रंग भरूनी

पहा एकदा परत फिरूनी

होईल प्रेमाची जीत

न परतीच्या वाटेवरूनी ये ना तू आकस्मित ॥